Kultura ng Pilipinas: Ang Pagkakakilanlang Kultural at mga Produkto ng Komunidad
Ang bawat komunidad sa Pilipinas ay may sariling kultura. Pag-aralan natin ang tungkol sa Kulturang Pilipino.
Ano nga ba ang kultura? Ano ang tinatawag na Kulturang Pilipino?
Ang Kultura ng Pilipinas
Ang kultura ay ang mga katangian o paraan ng pamumuhay ng mga grupo ng tao sa isang komunidad. Ito ang paraan ng paggawa nila sa mga bagay tulad ng kanilang mga kaugalian, paniniwala, tradisyon. Kasama rin dito ang mga produkto, lutuin, tanyag na anyong lupa at anyong tubig at tanyag na kasapi ng komunidad.
Pagkakakilanlang Kultural Ng Komunidad
Ano naman ang pagkakakilanlang kultural ng komunidad?
Ito ay ang hanay ng mga natatangi o kakaibang katangian ng kultura ng mga tao sa isang komunidad. Ang mga pagkakakilanlang kultural ang nagpapatangi sa isang komunidad at nagpapakilala rito.
Pag-aralan natin ang ilan sa pagkakakilanlang kultural ng isang komunidad. Ang ilan sa mga halimbawa nito ay ang mga produkto na tanyag sa isang lalawigan, rehiyon, o bayan. (Kaugnay: Ang Mga Bumubuo ng Komunidad)
Mga Produktong Naiuugnay sa Komunidad o Lugar
Narito ang ilang halimbawa ng mga produktong naiuugnay sa komunidad o lugar sa Pilipinas:
Mga Halimbawa ng Produkto sa Luzon
| Aurora | Niyog, bigas, mais, kape, abaka at ibang pananim |
| Bataan | Tuyo, tinapa, mga kakanin tulad ng buko pie, suman at iba pa |
| Bulacan | Marmol, alahas, mga kasangkapan sa bahay, kakanin |
| N. Ecija | Longganisang batotay, sibuyas, kakanin, sorbets at iba pa |
| Pampanga | Bringhe, lechon kawali, tocino, longganisa, sisig, palaka, buro |
| Tarlac | Asukal, plantasyon ng bigas |
| Zambales | Mais, bigas, gulay, mangga |
| Quezon | Lambanog, longganisang Lucban, Pancit lucban, yema cake |
| Bicol | Laing, bicol express, ibang lutuin sa gata, bukayo, kinunot, pancit bato |
| Batangas | Bulalo, loming batangas, tapang taal, bagoong balayan, tawilis, balisong |
Mga Produkto sa Visayas
| Iloilo | Lapaz batchoy, pancit molo, biscocho |
| Cebu | Lechon cebu, danggit, tuyo, inasal, mais, dried mangoes |
| Negros | Tubo, asukal |
Mga Produkto sa Mindanao
| Davao | Durian, marang, suha, mangosteen Kakaw, niyog, kape, goma |
| Bukidnon, Cotabato | Pinya |
| General Santos | Tuna |
Kaugnay: Likas na Yaman ng Pilipinas: Mga Produkto at Hanapbuhay na Nagmumula sa mga Yamang Lupa at Tubig
Copyright © by Celine de Guzman/MyInfoBasket.com
To STUDENTS:
If the comment section here FAILS to function, COMMENT here instead: Ang Kahalagahan ng Pag-Aaral Ng Kontemporaryong Isyu
=====
To post comment, briefly watch this related short video: