Ang Mga Sariling Kahinaan at Ang Mga Sakit sa Kalusugan ng Isip (Mental Health Disorders)

June 1, 2021March 10, 2024MyInfo Basket.com 6 CommentsAng Mga Sakit sa Kalusugan ng Isip (Mental Health Disorders), Ang Mga Sariling Kahinaan, Ano ang depresyon, Halimbawa ng mental na kalusugan, Pananaliksik tungkol sa mental health, Sanaysay tungkol sa mental health, Tagalog ng Mental Health

Kasanayang Pampagkatuto:

Natutukoy ang mga sariling kahinaan.

Ang mga sariling kahinaan

Bahagi ng “sariling kahinaan,” lalo na ng mga kabataan, ang ukol sa potensiyal na paglahok sa mga mapanganib na aktibidad at sa inklinasyon na magkaroon ng ilang mga mental na karamdaman gaya ng depresyon.

Kasama sa pagbibinata/pagdadalaga ang mga pagbabagong sikolohikal at homornal sa katawan. Dagdag pa rito ang mga hindi pangkaraniwang hamon at nakababahalang ekspektasyon ng mga mga taong nakapaligid sa kanila.

Ang mga ito ay ilan ito sa mga dahilan kung bakit maraming mga nagbibinata/nagdadalaga ang madaling kapitan ng mga problema sa kalusugan ng isip.

Salik din ang mga ito kung bakit maraming mga tinedyer ang madaling maimpluwensiyahang makilahok sa mga peligrosong gawain.

Ang mga aktibidad na ito gaya ng pagdodroga, paninigarilyo, at pag-inom ng mga inuming nakalalasing ay maaari ring magpalitaw ng mga psychiatric disorders at iba pang karamdamang mental.

Mga Sakit sa Kalusugan ng Isip (Mental Health Disorders)

Importatnte na ang mga tinedyer ay magkaroon ng kamalayan ukol sa mga problema sa kalusugan ng isip na maaaring ninyong maranasan.

Mahalaga rin na malaman ang ilang paraan upang maiwasan ang ilang mga sakit sa isip at mapanatili ang kalusugan ng isip at ang kagalingan.

Totoo na ang problema sa kalusugan ng isip o disorder ay maaaring makagambala sa normal na buhay ng mga tao—sa pag-aaral, paghahanapbuhay, at pakikitungo sa ibang mga tao.

Subalit kung maaga pa ay malalaman na na ang isang indibidwal ay dumaranas ng problema sa kalusugan ng isip, magagamot ito sa lalong madaling panahon at maiiwasan ang mga karagdagang komplikasyon.

Ang pagkakaraoon ng mga sakit sa isip ay maaaring dahil sa mga sumusunod na salik:

(a) biyolohikal na salik, tulad ng mga gene o kimika ng utak (brain chemistry);

(b) mga karanasan sa buhay, tulad ng trauma o pang-aabuso; at,

Ayon sa isang pag-aaral, isa sa limang nagbibinata/nagdadalaga ay may mga sintomas ng mga problema sa kalusugan ng isip (Knopf, 2008).

Karaniwang sakit sa isip sa panahon ng pagbibinata/pagdadalaga

Ang mga karaniwang sakit sa isip sa panahon ng pagbibinata/pagdadalaga ay ang mga sumusunod. Ito ay hango sa aklat ni Jens Micah De Guzman:

1. Mga karamdaman sa pagkain (eating disorders)

Ang isang halimbawa ng disorder sa pagkain ay ang anorexia na tumutukoy sa mga pagbabago sa mga gawi sa pagkain na kinapapalooban ng kapansin-pansing pag-iwas sa pagkain. Ang isa pang eating disorder ay ang bulimia, isang sakit na may kinalaman sa sapilitang pagsusuka pagkatapos kumain.

Dahil sa ang mga kabataan ay karaniwang conscious sa kanilang hitsura at imahe, naobserbahan na marami sa kanila ang may eating disorder.

Ang labis na pagiging sensitibo sa pigura ng katawan ng isang tao ay maaaring magresulta sa hindi tamang pagbaba ng timbang.

2. Mga pagkabalisa (anxiety disorders)

May mga mekanismo ang utak na nakalaan upang maprotektahan ang isang indibidwal mula sa pinsala. Subalit kapag nagkaroon ng abnormalidad sa mga ito, nagkakaroon ng problema sa kalusugan ng isip na tinatawag na anxiety disorders.

Ang mga halimbawa nito ay ang phobias, post-traumatic disorder (PTSD), panic disorder, at obsessive compulsive disorder (OCD).

Ayon sa mga pag-aaral, tinatayang 10 porsiyento ng mga nagbibinata/nagdadalaga ay nagtataglay ng mga sakit sa pagkabalisa, at ang OCD ang pinakakaraniwan sa mga ito (Murphey, 2013).

3. Depresyon

Kabilang sa mga sintomas ng depresyon ang labis na pagkamasumpungin (excessive moodiness), pagtangis, pagbabago sa mga gawin o habit ukol sa pagkain at pagtulog, kawalan ng pag-asa, pakiramdam na siya’y kawalang kabuluhan, at pagnanais na saktan ang sarili.

Ang mas malala, ang ibang nade-depress ay nagnanais magpatiwakal.

Ayon sa isang pag-aaral, ang depresyon ang pinaka-madalas na sakit na may kaugnayan sa mental na kalusugan sa mga kabataan (Knopf, 2008).

Isa sa apat na estudyante sa mataas na paaralan ang sinasabing nagpapakita ng mga menor na sintomas ng depresyon (Murphey, 2013).

4. Developmental disorders

Kabilang sa developmental disorders ang autism, attention-deficit / hyperactivity disorder (ADHD), at learning disorder.

Ang mga ito ay tumutukoy sa mga problema o karamdaman ukol sa pag-unlad ng utak o brain development.

5. Mga Karamdaman sa Pag-uugali

Kabilang sa tinatawag na behavioral disorder ang oppositional defiant disorder at conduct disorder. Ang mga ito ay tumutukoy sa mga depekto sa inaasahang pag-uugali ng mga indibidwal.

Ito ay karaniwan sa mga nagbibinata/nagdadalaga na tila kunukwestiyon ang mga tuntunin sa mga institusyon kung kaya’t kinakikitaan ng hindi pagsunod.